Bes annermol . . .

Stiehn in de Hausdeer
unn guck em hinnerher,
de Gardeweech enunner.

Hunn scheene Sache met em erlebt,
er hatt so e sunnich Gemiet,
sei Gesellschaft hot mer gut geduu. 

Jo alla, wann er alsemol sei Tour hatt,
dann war er schun emol e scheener Hitzeblitz.
Awwer das war doch eher die Ausnahm.

Deletscht war er schun emol fortgang,
do ess er jo werklich nommol serickkumm.
Hunn ich gedenkt: Gummol, er gieht nit geere.

Ob er aach dasmol nommol kimmt? Ich glääb nit!
Er werd woannerscht iwwerwindere wolle.
Awwer er ess jo e trei Seel, 
de Summer . . .

Norbert Schneider

Bergstraße 43
55592 Rehborn
Deutschland

Fax:  +49 6753 962830
Tel.:  +49 6753 3358
E-Mail:  info@mundart-schneider.de

www.mundart-schneider.de

"... Norbert Schneiders Mundartarbeiten
kommen aus dem Herzen und
packen Leser wie Zuhörer ..."
Richard Walter